Viver numha sociedade patriarcal, que desvaloriza, nega e invisibiliza tudo àquilo que é considerado como feminino, enferma-nos. Os própios papéis de gênero e a mesma concepçom das identidades como adscritas a dois únicos polos, masculino e feminino, desconsiderando as diversas possibilidades de sentirmo-nos e identificarmo-nos, é um fator de risco para a nossa saúde.
Esta é umha proposta que levamos um par de anos desenvolvendo em colaboraçom com diferentes Centros de Informaçom ás Mulheres (CIM’s), mais que está disponível também para associaçons e coletivos.
Propomos um caminho para fortalecer a identidade e a autoestima desde a corporalidade, nutrindo-nos de vivências que ajudem reescrever o nosso argumento de vida desde o bom trato e a saúde integral.
Oferecemos diferentes modalidades de obradoiros:
Entre nós, dançando a sororidade. Umha sessom de 2 horas para nutrir a confiança, empatia e a cooperaçom necessárias para tecer redes de apoio e sororidade. Possibilidade de impartiçom presencial ou on line.
Bom trato é saúde! Umha sessom de 3 horas ou duas sessons de 2 horas para trabalhar a relaçom entre bom trato e saúde, incidindo na importância das prácticas de auto cuidado e na conexom com o corpo e as emoçons para o bem estar e a autonomía.
Tecer bom trato, enraizar a autoestima. Doze sessons de 2 horas para afiançar a autoestima e a reescrever o nosso argumento vital desde o bom trato, o equilíbrio entre os cuidados e auto cuidados, a saúde integral e a construçom de relaçons mais ricas, saudáveis e equitativas.
Estes obradoiros estam dirigidos a mulheres e pessoas nom binárias.
