Biodanza, enquanto sistema de integraçom, reaprendizagem afetiva e reconexom com a vida, atua desde um paradigma progressivo e evolucionário.
Que quer dizer isso? Que o processo de transformaçom e crescimento que suscitamos dá-se de umha maneira paulatina, acompassado ao ritmo do grupo e de cada integrante. Buscamos deflagrar vivências integradoras, isto é, que tenham o potencial de unir àquilo que permanecia disgragado, oferencendo umha resignificaçom existencial para quem as experimenta. Isto requer tempo e constância de modo a que cada participante poida ir assimilando e integrando os conteúdos vivenciais de forma orgânica, amável.
Por isso é importantíssimo o trabalho que se realiza de forma regular nas sessons semanais de Biodanza. Ainda que um obradoiro puntual poida despertar potenciais e brindar-nos vivências valiosas, é no grupo regular onde podemos realmente emprender umha viagem de autoconhecimento. É onde se desenvolve a autêntica arte do viver que propomos em Biodanza.
